Yell xhon zan sjazoa chach (CIELO) nhaken to lhatj da’ zej chhon llin kuit gago yell xhon nllash lle’ Los Ángeles ench yeson ljell bene’ yesonhe’ bien gak shawe’ che gake’ lhen ka sosa’ lhalle’. CIELO nha’ lhen bene’ sinha’ lle’ UCLA, gwdilhjw lhalle’ to llin da’ go’en lhatj yeseneze bene’ lle’ yell xhon lo’ da’ tsi’ Yaba chhá’te gan lle’ benexhon ka’. Yishen nchhén nhi shlhoen dillaxhon da’ ka’ sene bene’ sjalle’ koej kuit yell Los Ángeles, ench yesakbe’ bene’ lle’ bene’ yell xhon nhi.