Leks kan nhak gwbaon, yish nchhen ka’ chhoen dilla’ nha’ slhoen kan gosak che benexhon ka’ lhen yelllhio che’. Iz gayoa shinho’ to nha’ shinho’ chop, kanha’ goson wechhen xhon ka’ zan yishwelhaben nhak ki ench ench gota’ to yish da’ be’n lhatj bosollonhe’ yelllhiochen lhao benextilh ka’, yish kin chhoen dilla’ kanhiten ba sjalle’ yell che gake’ yelllhio nhi. Da’ bodie’ yishwelhab ki, da’ bochhen bene’ dokse kan nhak da’ dowalhjen, dan bosozoe’ lha yish merced, da’ lle’ shawe’ gan lle’ Archivo General de la Nación de México. Bene’ wechhen ka’ bosowiayane’ nhaken bosochhenhe’ iz golh kanhite, ka weshalj nchhen mba che benexhon, ka’Yelllhio, ka gok nha’nhaken gosechje’ benextilhe gwnhabia’ ka’. Dan gosakyane’ chop koen yelawechhenna’ gosozoede’ bi goseke’ yelllhio che’, nha’ bchitje’ gwnhabia’ xtilha’, benhen ka yej gwba’o da’ shlhoe’ da’ golhte che gake’.