Lo’ yej mba da’ nhon shawechgoe’, ga lle’ yej mba, shlhoen benewalh zelhao wenhabia’ mexika ka’ (tlatoani), ka bene’ nchello’ chach Yelllhion. Lé’ to wexe’ chach Yelllhion, benhan noxe’ chach lhatj Yaba Yelllhio, dan nhak nhez Yaba Yelllhio, lennna’ nhoxe’ chachen yogo’ da’ shde da’ chhak. Loe’te dan xhoa lhawen, dan nhak yej mba xdan sjanchhen shawe’ to xiuhuitzolli o copilli (lhapa’), len shlho’en shi nho nhak benexban nsa’ da’ walh da’ be’ Xiuhtecuhtli che (to benebda’o xkuide’ shnhabia’ shdie’ lla yogo’ lla). Chhop yejgwba’o ga’, mba nhonhen toz ka gwnhabia’ bda’on nha’ lhatj Yaba-lla lla: Da’ nhala’ nha’, ka Xiuhtehcuhtli nhaken, benhan nzoa to lhapa’ walh, nha’ dan nchhen le’ dan da’ chholchoe’, nsan xonho’ lhatj Yaba (tap koen lhatj welhoe’ nha’ yetap da’ nyaz lhadjw toton) nha’ lhen gachhol walh chen. Dan shlhoe’ da’ gayo’ koenna’, dan nchhenhe’ xonho’ nhia’, loe’ yejm gan lle’n, zéjen mbateken nhak xlatjé Yaban: tap bille’ nha’ to gachhol.