Lo xbab che yell xhon walh, chxhe lhatj Yaban, chhenhiten nha’ chhexhen toshi’ toshi’. Kate’ chheyoll tokoen iz walh, ka nha’ shlhallo’ Yaban lhawe Yelllhion, kanhan chhesoe’ chen ench chheyo’ shawe’ Yaba Yellhion. Keten chheselis benebda’o ka’, kanha’ chhesaze’ to yag Yelllhiio bille’ dap le’ Yaban, nha’ gachholen chhesesaljoe’ gayo’ nhez walh ga mbaga’ doxhen yell xhon walh ka’. Yag nhin chheyoxe’ yone koen lhatj Yellio Yaban: Yaba, Yellhio nha Nhisda’o. Ka chheyollen, nha’ shlha’ yeto gwbill kob, da’ nsa’ to bda’o walh, chhedan dayoblhe le’ Yaban, chsa’n lla lla llialhao, zejen ngon nhez yogo’ lla lo’ Yaba nha’ lo’ nhez chhélh che nhisda’o. Dap da’ ki, nhaken ka to yaglha’ yej che olmeca, nhaken ka to ye’ne dan lo yish welhab golhe mixteca, to yaglha’ mbadáo che azteca nha’ yeto da’ chxhoa lhawe da’ chhesej benextilh ka’ nhis, yogo’ da’ kin shlhoe’n kan goson xbab yell xhon walh ka’goselle’ kanhíte.