Ka nhak che dobe’ xdan ki, nhakbia’ lenna’ goson bene’ wechhenna da’ nhechho kate’n bach senhabia’ bene xtilh ka’. Da’ nchhenhenna’, dan nhak dobe ga’ che to byine, nha’ dobe’ gash che guacamaya nha’ dobe’ gasj che patw, yogon nhaken ka nhak che Eucaristía, nsan da’ xdan che bene’ náhuatl: nhis wexe nllash (atl) nhoxe’ chachen tokoe’ yelh (milli), tolí ga nkoa’ xshin laze’ (huictli). Yogon, sjazon chhososhaglhaon to bxin tit che dobe’ gash, yogo’ da’ ki chheyaken toz nha’ chxen dillan lle’ ahuinomilli, “nhis mba”. Eucaristía nhi nchhen ki, chwalan katek binlo chhechj Yelllhio Yaba che yell xhon walha’, dan nhaken dokse mixpantli dan chwala’ yishwelhab golh shilline che Códice Florentino.