Inpanin omextin tlalmachiotl, tikihtakan nehnemi tlaixpankopinaloni toltekatlalmachiokopa itech XVI xihuitl. In axiktli ihuan akokolli monexti ollinia atoyameh.Ixoxouhtepehuan Colipa kimopilia iyolilis tlamatihehuatl sipaktlalpan. Noyuhki onka tlamantin koyotlakameh, kenin teopantin omonextiaya kenin inyolotlaloyan, mochichihuatika tlakopinameh ipan yankuik tlamantli. San niman, in koyotlahkuilolistli motechmoneki se kualli tlakihtaloni yehika mochihualis ihtolokayoyolli ika yankuik tlachihualistli. Itlalmachiouh Tezontepec, seltsin, moixpantis in omexpantilistli ihuan oksekintin tlamantin itech tlaixpankopina satepan ahkualkoyohualahkeh: ka ika yemahtli, tsonkuauhtepetzin, istaktlapaltik, ihuan iostoktetsin kenin tlahkuiloli ‘U’ achi tlastalehualli, kostik ihuan xoxoktik, ka ika opochtli, in tlaixkalpan tlamelauhkatika inteopan agustinos, noyuhki kihtosneki ipanon tlapaltin. In omextin tlamantli nenonotsalistli, se kualli neyeknamiktilistli nochipa kateh ipan teoyeyantli.